बालिका माथिको यौन दुर्व्यवहार रोक

प्रकाश सुन्दास
२२ चैत, काभ्रे । जिल्ला बाल क्लब सञ्जाल काभ्रेले जिल्लामा बालिका माथि भएको यौन दुब्र्यबहारको घटना प्रति आफ्नो गम्भीर ध्यानाकर्षण भएको बताएको छ । 
सञ्जालले आज एक प्रेस विज्ञप्ति जारी गर्दै बालबालिका माथि बढ्दो यौन दुब्र्यहार, बाल शोषण तथा गैर न्यायिक ब्यवहार तत्काल रोक्न र दोषिलाई कारबाही गर्न प्रशासनसाग माग गरेको छ । सञ्जाल काभ्रेका सचिव रामसुन्दर आचार्यद्धारा हस्ताक्षरित विज्ञाप्तिमा बालबालिकाहरुको संरक्षणमा ध्यान दिन राज्य र परिवारलाई अपिल समेत गरिएको छ । 
गएको मंगलबार काभ्रेको खार्चाचोक गाविसको वडा नम्बर ९ का २५ बर्षीय दिपेन्द्र भनिने भिम ठकुरीले खेतमा पानी लगाउन गएकी सोहि गाविसका १७ बर्षीय एक किशोरी माथि जर्बजस्ती करणी गरेका थिए । पीडितले दिएको निवेदनको आधारमा प्रहरीले ठकुरीलाई पक्राउ गरी अनुसन्धान गरिरहेको छ ।