सुनको भाउ यथावत, चाँदीको घट्यो

५ बैशाख, काठमाडौं । बिहीबार सुनको मूल्यमा कुनै फेरबदल भएन् । बिहीबार पनि नेपाली बजारमा छापावाला सुनको मूल्य तोलाको ४९ हजार ५ सय रुपैयाँ कायम गरेको नेपाल सुनचाँदी व्यवसायी महासंघले जनाएको छ ।
गत चैत ३० गते प्रतितोला ५५ हजार ८ सय रुपैयाँमा कारोबार भएको छापावाला सुन बैशाख २ गते सोमबार एकैदिन तोलाको ३३ सय रुपैयाँ घटेर ५२ हजार ५ सय रुपैयाँमा कारोबार भएको थियो । त्यसको लगत्तै मंगलबार तोलामा ३ हजार रुपैयाँ घटेर ४९ हजार ५ सय रुपैयाँमा कारोबार भएको सुनको मूल्यमा बुधबार बिहीबार भने कुनै फेरबदल भएन् ।
बिहीबार चाँदीको मूल्यमा भने गिरावट आएको छ । बुधबार तोलाको ८ सय ९८ रुपैयाँमा कारोबार भएको चाँदी बिहीबार तोलाको ८ रुपैयाँले घटेर ८ सय ९० रुपैयाँमा कारोबार भईरहेको महासंघका महासचिव मानिक रत्न शाक्यले बताउनुभयो ।