जिउँदो हुँदा नै आफ्नै काजक्रिया ?

चीनको युहानकी एक २२ वर्षीया छात्रा जेङ्ग जियाले आफ्नो साथी भाइ, आफन्तहरुलाई झट्का दिइन् जब उनले आफ्नै काजक्रिया कार्यक्रममा उनीहरुलाई सामेल हुन आग्रह गरिन् र जिउँदो हुँदा नै त्यस्तो कार्यक्रमको रमाइलो महसुस गर्ने मनसाय उनले प्रकट गरिन् । पत्रकारहरुसँग कुरा गर्ने क्रममा जियाले आफूमा यस्तो बिचार आउनुको पछाडि त्यतिबेलाको क्षण कस्तो हुन्छ भनेर जिउँदै हुँदा महसुस गर्नको लागि आयोजना गरेको बताइन् । ‘मानिसहरुले कुनै मानिसको अन्त्यष्ठिका लागि कति धेरै समय र मेहनत खर्च गरेका हुन्छन् र उनीहरुले कहिले पनि यस्तो कार्यको लागि तारिफ पाउँदैनन्, ’ उनले भनिन् । आफूमा यस्तो कहिले पनि नहोस् भन्नका लागि आफूले कमाएको सबै पैसा उनले आफ्नो वृहत अन्त्येष्ठि कार्यक्रममा चाहिने कफिन, फूलहरु, फोटोग्राफर र शोक गर्नका लागि उपस्थित भएका मानिसहरुका लागि खर्च गरिन् । उक्त कार्यक्रममा उनले साथीभाइ, इष्टमित्र सबैलाई निम्तो दिइन् । पत्याउनु होस् या नपत्याउनुस्, उनको यो अचम्मको कार्यक्रममा धेरै मानिसहरु उपस्थित भए र हेलो किटीको पुतली आफ्नो छातीमा राखेर कफिनमा सुतेकी उनलाई धेरैले हेर्ने मौका पाए । परिस्थितिलाई वास्तविक देखाउनका र आफ्नो शरिरलाई मरेको जस्तो देखाउन लागि उनले मेकअप आर्टिस्टलाई भाडामा लिइन् । सबै साथीभाइ, इष्टमित्रहरुले बिदाई गर्ने क्रममा उनले एक घण्टाको लागि मरेकोजस्तो अभिनय गरिन् त्यसपछि त्यहाँबाट निस्केर सबैलाई धन्यबाद दिइन् । यस्तो कार्यक्रममा आयोजना पछि उनले आफ्नो जीवनलाई सराहना गरेको जानकारी दिइन् ।(एजेन्सी)