नेपाल अमेरिकासँग भिड्ने

 बैशाख, काठमाडौ । अन्तर्राष्ट्रिय क्रिकेट परिषद् (आइसिसी) विश्व क्रिकेट लिग डिभिजन ३ को प्रतिस्पर्धाका लागी सबै टोलीको नामावली प्रकाशित गरेको छ । 
आगामी अप्रिल २८ देखि बर्मुडामा हुने प्रतियोगितामा नेपालले पहिलो खेल अमेरिकासँग खेल्ने भएको छ । नेपालले अमेरिकासहित युगान्डा, ओमान, बर्मुडा र इटालीसँग पनि छन् । 
डिभीजन ४ को प्रतियोगिताको उपाधी जित्दा अमेरिकालाई फाइनलमा पराजित गर्दै विजेताका रूपमा डिभीजन ३ का लागी छनोट भएको थियो । नेपालले पहिलो खेल अमेरिकासँग अप्रिल २८ मा खेल्दैछ भने २९ अप्रिलमा युगाण्डा, मे १ मा बर्मुडा, मे २ मा ओमान र मे ४ मा इटालीसँग प्रतिष्पर्धा गर्नेछ । प्रतियोगितामा शिर्ष दुई टोली डिभीजन २ मा उक्लेने मौका पाउनेछन् । 
नेपालले पारस खड्काको कप्तानीमा १४ सदस्यीय टोलीको यसअघि नै घोषणा गरिसकेको छ । नेपाली टोली अहिले प्रशिक्षण लागी भारतमा रहेको छ ।