यान्त्रिक पुल सोमवारदेखी नियमित सञ्चालनमा

यान्त्रिक पुल सोमवारदेखी नियमित सञ्चालनमा

 फागुन२१ - मुलुककै  पहिलो ब्यवसायिक यान्त्रिक पुल कुस्मा बलेवा यान्त्रिक पुल सोमबारदेखि नियमित रुपमा सञ्चालनमा आएको छ । निजी  क्षेत्रले निर्माण गरेको उक्त पुल निर्माण गर्न करिब ५ करोड रुपैयाको लागत लागेको छ । केवलकार मोडलमा निर्माण भएको कुश्मा बलेवा यान्त्रिक पुल नियमित रुपमा सञ्चालनमा आएपछि सर्वसाधरण तथा पर्यटकलाई सुविधा पुगेको छ ।

व्यापारिक दृष्टिकोणले महत्वपुर्ण मानिएको पर्वतको सदरमुकाम कुश्माबजारदेखि छिमेकी जिल्ला बागलुङको दक्षिण क्षेत्र बलेवा जोड्ने गरी  पर्वत उद्योग बाणिज्य संघको पहलमा  यान्त्रिक पुल निर्माण भएको हो  । अब त्यहाँका स्थानियले दुई घण्टा पैदन नहिडी सात मिनेटमा नै वारीपारी गर्न सक्नेछन् । सोही पुलका कारण नै बर्षौदेखि सञ्चालनमा नआएको बलेवा एयरपोर्ट समेत सञ्चालनमा आउने भएको छ ।

पुल सञ्चालनका लागि दुवै तर्फका ४ सय ३६ जनाबाट उक्त शेयर रकम संकलन भएको छ । दुई वटा यान्त्रिककार जडान हुने उक्त यान्त्रिक पुलमा एउटा कारमा ८ जना मानिस अट्न सक्ने क्षमता रहेको छ । कम्पनीले प्रत्येक यात्रुका लागि ५ लाख बराबरको बिमा गरिदिएको छ ।