बिज्ञान प्रबिधि

मंगल ग्रहमा मान्छे ओसार्दै एनजीओ

अन्तरीक्ष र अझ त्यसभन्दा पनि टाढा विभिन्न ग्रहमा अन्तरीक्ष यान प्रक्षेपण गर्नका लागि विश्वका धनी देशहरुले अरबौँ डलर खर्च गरिरहेका छन् । अहिलेसम्म जति अन्तरीक्ष कार्यक्रम चलेका छन् सबै सरकारी तबरमै भएका छन् । तर अब एक गैर सरकारी संस्थाले पनि मंगल ग्रहमा मान्छे पूराउने भएको छ ।

पहिलो अन्तरीक्ष पर्यटक डेनिस टिटोले खोलेको एक गैर सरकारी संस्थाले मंगल ग्रहमा आम मानिसलाई पूराउने योजना बनाएको हो । उनको अमेरिकी एनजीओले सन् २०१८ सम्ममा आम मानिसलाई लिएर मंगल ग्रहमा यान पूराउने लक्ष्य लिएको छ ।

५ सय १ दिनको यो मंगल मिसनको सुरुवात सन् २०१८ को जनवरीमा सुरु हुन सक्ने बताइएको छ । अमेरिकामा कडा मेहेनत र ज्ञानका माध्यमबाट जे गर्न पनि सम्भव हुन्छ भन्ने कुरा देखाउनका लागि टिटोले आफ्नो एक संस्थाबाट यस्तो काम गर्न लागेका बताइएको छ । आफ्नो यो मिसनबाट मंगल ग्रहका विषयमा थप जानकारी तथा अनुभव प्राप्त हुने उनको भनाइ छ ।