अण्डर–१९ एलिट कप क्रिकेटको उपाधि अफगानिस्तानको कब्जामा

काठमाडौं,बैशाख २८ । एसीसीअण्डर–१९ एलिट कप क्रिकेट प्रतियोगिताको उपाधि अफगानिस्तानले जितेको छ । युएईलाई १० विकेटले पराजित गर्दै अफगानिस्तानले उपाधि हात पारेको हो । युएईले दिएको ५८ रनको सामान्य लक्ष्य अफगानिस्तानले ११ दशमलव १ ओभरमा विना विकेटको क्षतिमा भेट्टाएको हो । अफगानिस्तानको जितका लागि हस्मातुल्लाह साइदिले नटआउट रहँदै ५० रनको योगदान गरे भने अब्दुर मंगलले ६ रन बनाए । मलेसीयाको क्वालालम्पुरमा रहेको किनररा ओभल मैदानमा टस जितेर व्याटिङ गरिरहेको युएई ५७ रनमा समेटिएको थियो । युएई २७ दशमलव २ ओभरमा अलआउट हुँदै ५७ रन बनाएको हो ।