कमल थापालाई टक्कर दिन अर्को राजावादी पार्टी बन्ने पक्का

२५ वैशाख काठमाडौं । राजतन्त्र, हिन्दु धर्म सापेक्ष राष्ट र एकात्मक नेपालको माग सहित आर्को राजावादी पार्टीको जन्म हुने भएको छ । राप्रपाका वरिष्ठ नेता एवं पूर्व प्रधानमन्त्री लोकेन्द्र बहादुर चन्द र कट्टरराजावादी नेता राजेश्वर देवकोटाले नयाँ पार्टी खोल्ने लगभग पक्का भएको हो ।

राष्टिय प्रजातन्त्र पार्टी र राष्टिय जनशक्ति पार्टीबीच आर्को साता हुने एकीकरण महाधिवेशण पछि चन्दले नयाँ पार्टी खोल्न लागेका हुन् । मंगलावार बसेको दुवै दलको संयुक्त बैठकमा चन्दले संघीयता र धर्मनिरपेक्षताप्रति विमती जनाउदै नयाँ पार्टी गठनको घोषणा गरेका हुन् ।

छुट्टै पार्टी गठन गर्नुभन्दा कमल थापाको पार्टीमा सर्वोच्च नेताको रुपमा जाने संभावना पनि रहेको स्रोतले भन्यो । राजतन्त्रको नारा लिएका धेरै पार्टी गठन भन्दा एउटै बलियो पार्टी बनाउने सोचका साथ दरवारले चन्दलाइ कमल थापाको राप्रपा नेपालमा सम्मानित स्थान दिने संभावना छ ।

चन्द्रसंगै राप्रपाका केही प्रभावशाली नेता समेत नयाँ पार्टीमा सहभागि हुनेछन् । स्रोतका अनुसार चन्द्रको पार्टीमा राजावादी मधेशी नेता बद्रमण्डल, कांग्रेस 
छोडेका केही पूर्व राजावादी नेताहरु समेत सामेल हुनेछन।

संवैधानिक राजतन्त्र, हिन्दुधर्म सापेक्ष राष्ट्र, विकेन्द्रीकरण र राष्टिय एकतालाइ राजनीतिक सिद्धान्त बनाएर नयाँ पार्टी घोषणा गरिने चन्दका एकजना विश्वास पात्रने नेपाली हेडलाइन्सलाइ बताए । ‘पूरानो राजनीतिक पार्टीले नयाँ जामा लगाउन रहर गरेपछि हामीले विचार मिल्नेसंग एकता गरेर नयाँ पार्टी गठनको निर्णय गर्यौ, चन्द निकट स्रोतले भन्यो ।