श्रीमती संग अवैध सम्बन्ध राख्ने साथीलाई जिउदै गाडीदिए

आफ्नै साथीले श्रीमतीसँग अवैध सम्बन्ध राखेको थाहा पाएर भारतको तान्जाभुरमा ४१ वर्षका चन्द्रशेखरले उनकै साथी ३७ वर्षीय नदिमुथुलाई जिउँदै गाडिदिएका छन् । असल मित्र रहेका नदिमुथुले आफ्नो श्रीमतिसँग अवैध सम्बन्ध राखेको आरोपमा उनले जिँउदै गाडिदिएका हुन् । उनीहरू लामो समय असल मित्र रहेका थिए तर त्यही मित्रताको फाइदा उठाएर साथीकै श्रीमतिसँग अवैध सम्बन्ध राखेपछी चन्द्रशेखरलाई नदिमुथुले जमिनमा गाडिदिएका हुन् ।

श्रीमतीसँगको अवैध सम्बन्धका बारेमा थाहा पाएपछी श्रीमतीलाई यसबारे सजग गराएपनि उनीहरूको सम्बन्ध नछुटेपछी नदिमुथुले चन्द्रशेखरलाई गत सोमबार एक बियर पार्टीमा बोलाए र उक्त पार्टीमा नदिमुथु र उनका साथी मिलेर यति धेरै रक्सी पिलाए की चन्द्रशेखरले आफ्नो होस नै गुमाउन पुगे । यही मौकाको फाइदा उठाएर नदीमुथुले चन्द्रशेखरलाई अग्नी नदीको किनारमा लगेर नदीको पुलमुनी जिँउदै गाडिदिए ।

यता आफ्नो श्रीमान् घरमा नफर्केपछी चन्द्रशेखरकी पत्नीले उनलाई खोज्न थालिन् । यसैक्रममा उनका छिमेकीले चन्द्रशेखर नदिमुथु र उनका साथीहरूसँग रहेको बताएपछी उनले नदिमुथुलाई चन्द्रशेखरका बारेमा सोधिन् तर उनले फरक-फरक कुरा बताउँन थालेपछी शंका उब्जियो र चन्द्रशेखरकी श्रीमतीले प्रहरीमा रिपोर्ट लेखाइन् र प्रहरीले आफ्नो काम सुरू गर्यो ।

यसैक्रममा प्रहरीले नदिमुथुलाई यस घटनाबारे केरकार गरेपछी आफ्नो अपराध स्विकार गर्दै चन्द्रशेखरलाई गाडेको ठाउँमा लगेका थिए । प्रहरीले चन्द्रशेखरको शरिरलाई निकालेर पोष्टमार्टमका लागी पठाएको छ भने नदिमुथुलाई प्रहरीले हिरासतमा राखेका छन् ।-नेपालीहेडलाइन्स