फुटबल खेलेको विषयमा झडप हुँदा १ जनाको ज्यान गयो

खगेन्द्र अधिकारी, ताप्लेजुङ, वैशाख ४ – फुटबल खेलको विषयमा भएको विवाद पछि झडप हुँदा पाँचथरको नवमी डाँडामा हिजो एकजनाको हत्या भएको छ। अर्का एकजना गम्भिर घाइते भएका छन्।

पाँचथरको नवमी डाँडामामा खेलाइएको फुटबल खेलमा फिदिम र रानीटारका युवाहरुबीच विवाद बढेको थियो । विवादपछि भएको झडपमा फिदिम-४ गढी निवासी २० वर्षीय सञ्जिव तुम्बापोको मृत्यु भएको हो। रानीटारका मञ्जिल नेम्बाङ भने गम्भिर घाइते भएका छन्।
उनलाई पाँचथर अस्पतालले उपचार सम्भव नभएको भन्दै जिल्ला बाहिर रेफर गरेको पाँचथर जिल्ला प्रहरी कार्यालयका प्रहरी निरीक्षक सञ्जिवबाबु खड्काले जानकारी दिए। प्रहरीले घटनामा संलग्न भएको आशंकामा रानीटारका २ युवालाई नियन्त्रणमा लिएको पनि प्रहरीले बताएको छ।