सामसुङले अहिलेसम्मकै सुविधा सम्पन्न मोबाइल ल्याउँदै

दक्षिण कोरियाली मोबाइल कम्पनी सामसुङले ग्यालेक्सी मेगा सिरिजका दुई नयाँ स्मार्टफोन बजारमा ल्याउने तयारी गरेको छ । एण्ड्रोइडमा आधारित दुई नयाँ स्मार्टफोन ग्यालेक्सी मेगा ६.३ र ग्यालेक्सी मेगा ५.८ सामसुङले बजारमा ल्याउने तयारी गरेको छ । कम्पनीका अनुसार मेगा ६.३ अहिलेसम्मकै सबैभन्दा ठुलो अर्थात् सुविधायुक्त स्मार्टफोन हो ।

यी दुवै स्मार्टफोन एण्ड्रोइड ४.२ जेली बिन अपरेटिङ सिस्टममा चल्ने छ तर कम्पनीले अहिलेसम्म यी दुई स्मार्टफोनको मूल्य कति हुने भनेर भने केही बताएको छैन् । यी दुई स्मार्टफोनमा पहिलेका स्मार्ट फोनभन्दा केही नयाँ शानदार फिचरहरू समेत समावेश गरिएको कम्पनीले जनाएको छ । यसमा ग्रुप प्ले नामको एक फिचर छ जसको माध्यमबाट वाई-फाई नेटवर्कमा एउटा कन्टेन्ट एकैपटक ८ जनालाई पठाउन सकिन्छ । स्यामसुङका बजार व्यवस्थापक प्रमुख जेके शिनका अनुसार यी दुवै फोन मे महिनासम्म बजारमा आइसक्नेछन् ।

के-के सुविधा छन् ६.३ स्मार्टफोनमा
- ६.३ इन्च, टिएफटी एचडी
- १.७ गीगाहर्ज ड्युअल कोर, १.५ जिबि र्याम
- ८ वा १६ जिबीको मेमोरि, ६४ जिबीको एक्सटर्नल मेमोरी
- २ जी, ३ जी, ४ जी, वाई-फाई, ब्युटुथ ४.०, माइक्रो युएसबी २.० र एनएफसी
- रेयर ८ मेगापिक्सेल क्यामरा र १.९ मेगापिक्सेलको फ्रन्ट इन्ड क्यामेरा