प्रहरी दमनमा परेका कमलरीको अवस्था अझै अचेत

२० जेठ । प्रहरी दमनमा परेका ५ जना कमलरीको अवस्था अझै अचेत रहेको छ ।
आइतबार सिंहदरबार धर्नामा प्रहरीले दमनगर्दा २५ कमलरी घाइते भएका थिए । घाइतेमध्ये ५ जनाको अहिलेसम्म पनि अचेत रहेका छन् । उनीहरुको अन्नपूर्ण न्युरोमा उपचार भइरहेको छ ।
२५ जना घाइतेमध्ये पाँच जना उपचार गरेर पर्केपनि अन्यको उपचार भइरहेको छ ।आन्दोलनका लागि काठमाडौं आएका ३५ जना मध्ये २५ जना घाइते भएपछि सोमबार गर्ने भनिएको सिंहदरबार घेराऊ स्थगित गरिएको छ । मंगलबार तराईका २२ जिल्लामा अनिश्चिकालीन बन्दको आह्वान गरिएको सयुक्त संघर्ष समितिले जनाएको छ ।
थप आन्दोलनका कार्यक्रममा लागि सोमबार दिउँसो बैठक बसेर तय गरिने सयुक्त संघर्ष समितिले जनाएको छ । पश्चिम नेपालका थारु किशोरीहरुलाई मोलमोलाई गरेर घरेलु कामदारको रुपमा राख्ने कार्यलाई कमलरी भनिन्छ । सरकारले आफ्ना मागको सनुवाई नगरेको भन्दै अनिश्चितकालीन आन्दोलनमा उत्रीएको समितिले जनाएको छ ।